Տիարպեքիրի ոստիկանութիւնը թալանած է հայ կաթոլիկ եկեղեցին

սեպտեմբեր 18, 2015 - 13:44        Viewed: 1422       

ՀՈՐԻԶՈՆ (Կանադա) -Տիարպեքիր նահանգի Սուր շրջանին մէջ գտնուող հայ կաթոլիկ եկեղեցին, սոյն տարածքին մէջ յայտարարուած պարէտային ժամուան ընթացքին, դարձած է թուրք ոստիկաններու յարձակման թիրախ:

«Տիճլէ» լրատուական գործակալութեան փոխանցմամբ` Հասըրլը թաղամասին մէջ գտնուող հազարամեայ եկեղեցին մեծապէս տուժած է: Ոստիկանները, սակայն, չեն բաւարարուած միայն եկեղեցւոյ վրայ յարձակմամբ, անոնք գողցած են այստեղ գտնուող որոշ պատմական իրեր, կը գրէ Արցախփրէսը:

Միջագետքի հայերու միութեան նախագահ Արաթ Քարակէօզեան գործակալութեան յայտնած է, որ հայերը կը պատրաստուին դատական գործ յարուցել փաստի կապակցութեամբ: Ան նշած է, թէ եկեղեցին կրած է մօտ 300 հազար թրքական լիրա (100 հազար տոլար) գումարի չափով վնաս:

«Ոստիկանութիւնը եկեղեցի մտած է` կոտրելով պատմական դռները: Ակնյայտ է, որ մեծ յարձակում  գործուած է եկեղեցւոյ վրայ: Գողցուած են յախճապակիին վրայ եղած մեր 6 պատմական նկարները, ինչպէս նաեւ` պահեստին մէջ գտնուող փորագրուած պատմական քարերը»,- յայտնած է Քարակէօզեան:

Մինչ այս Սուրի շրջանին մէջ ոստիկաններու եւ Քրտական աշխատաւորական կուսակցութեան անդամներուն միջեւ տեղի ունեցած բախումներուն հետեւանքով տուժած էր Սուրբ Կիրակոս եկեղեցին:

Գանձախոյզներ սրբապղծած են Կտուց Կղզիի Սուրբ Կարապետ եկեղեցին

Թուրքիոյ հայկական պատմամշակութային ժառանգութեան դէմ կը շարունակուին վանտալիզմի եւ բռնութեան արարքները, որուն վերջին զոհն է Վանայ լիճի Կտուց կղզիի Սուրբ Կարապետ եկեղեցին:

«Թուրքագիտական Փորթալ» կայքէջի հաղորդումով, Աղթամար թուր զբօսաշրջութեան ընկերութեան պաշտօնեաները, որոնք վերջերս Վանայ լիճի Կտուց կղզի այցելած էին, տեսած են, որ եկեղեցւոյ ներքնամասին մէջ գանձախոյզներ հսկայ փոսեր փորած են:

Կտուցի թեմը կը կազմէին Մարմետ, Ամենաշատ, Խաւենց, Անանավանք, Եկմալ և Ճիրաշէն գիւղերը։ Ըստ աւանդութեան, եկեղեցին հիմնած է Գրիգոր Լուսաւորիչը։ Վանական համալիրը ամայացած է 1915-ին։

Օրացույց