Ապրիլի 1-ից սկսվում է առաջին դասարանցիների գրանցումը:

ապրիլ 19, 2013 - 15:58        Viewed: 793       


«Յուրաքանչյուր ոք ունի կրթություն ստանալու և նրա ձևն ընտրելու իրավունք»

«Վրաստանի Սահմանադրություն» (հոդված 35, ժզ.1)

 

«Պետությունը յուրաքանչյուր աշակերտի ապահովում է նրա բնակության հնարավորին չափ մոտ պետական կամ մայրենի լեզվով կրթություն ստանալու իրավունքը» (Հոդված 7 ժզ.1)

«Չի թույլատրվում որևէ տեսակի խտրականություն դպրոց ընդունելիս: Սույն դրույթը չի բացառում ընտրական մրցույթի անցկացման հնարավորություն այն հանրակարթական հաստատություններում, որոնք իրականացնում են արվեստի և սպորտի ուսուցում և կրթություն»

«Դպրոցը իրավահավասարության հիման վրա պաշտպանում է փոքրամասնությունների անդամների անհատական և կոլեկտիվ իրավունքը, ազատ օգտագործեն իրենց մայրենի լեզուն, պահպանեն և արտահայտեն իրենց մշակութային պատկանելիությունը»(Հոդված 13 ժզ 3, 7)      

Վրաստանի օրենքը միջնակարգ կրթության մասին»)

 

Ապրիլի 1-ից սկսվում է առաջին դասարանցիների գրանցումը:

Վրաստանի կրթության և գիտության նախարարությունը մեզ տեղեկացրեց, որ երբ լրանում է երեխայի 5 տարին, ծնողն արդեն կարող է նրան տանել առաջին դասարան: Տարիքի հետ կապված ծնողն է կատարում ընտրություն:

Գրանցումը կիրականացվի առցանց և 3 փուլով. Առաջին փուլում կրթության կառավարման տեղեկատվական համակարգի կայքում գրանցվում են այն աշակերտները, որոնց քույր-եղբայրները սովորում են այդ դպրոցում, որոնց ծնողները դպրոցի աշխատակիցներ են , որոնց ընտանիքից միաժամանակ առաջին դասարան է գնում 2 կամ ավելի երեխա (երկվորյակներ, քույր-եղբայր):

Տվյալ աշակերտները հանրակրթական դպրոց ընդունվելու համար անհրաժեշտ փաստաթղթեր պիտի ներկայացնեն 2013թվ. ապրիլի 20-ից մինչև ապրիլի 24-ը ներառյալ:

Ըստ նախարարության, այն աշակերտները, որոնք կրթության կառավարման տեղեկատվական համակարգի կայքի միջոցով չեն հասցնի գրանցվել սահմանված ժամկետներում, կգրանցվեն 2013թվ. մայիսի 1-ից մինչև սույն թվականի հունիսի 20-ը ներառյալ, իսկ ընդունելության համար անհրաժեշտ փաստաթղթերը դպրոց կներկայացնեն 2013թվ. հունիսի 21-ից մինչև հուլիսի 3-ը ներառյալ:

Ըստ նախարարության, այն դեպքում, եթե աշակերտի ծնողը կամ նրա օրինական ներկայացուցիչը 2013թվ. հունիսի 21-ից հուլիսի 3-ը ներառյալ անհրաժեշտ փաստաթղթերը չի ներկայացնի դպրոց, կրթական հաստատություններում ազատ տեղերում աշակերտների գրանցման վերջնաժամկետն է 2013թվ. հուլիսի 10-ից մինչև սույն թվականի հուլիսի 18-ը ներառյալ:

Կրթության և գիտության նախարարությունը բոլոր առաջին դասարանցիներին կփոխանցի մանկական ուսուցման նոութբուքեր:

Քանի որ վերջին տարիների ընթացքում, որոշ դպրոցներում, որտեղ գործում են այսպես կոչված <<հայկական բաժիններ>>, ադմինիստրացիան արհեստականորեն դժվարություններ էր ստեղծում այն ծնողների համար, որոնք ցանկանում էին իրենց զավակներին գրանցել առաջին կամ այլ դասարաններ (ք.Թբիլիսիի 103-րդ (Մետրոմշեն) և 131-րդ (Աֆրիկա) հանրակրթական դպրոցների հայկական բաժիններ), կոչ ենք անում այն ծնողներին, ովքեր ցանկանում են իրենց երեխաներին տանել որևիցե վերոնշյալ դպրոց, դիմեն մեզ, <<Վրաստանի Հայ Համայնք>> կազմակերպությանը:

«Վրաստանի Հայ Համայնք»-ը իր կազմակերպչական ներուժի շնորհիվ կօգնի ծնողներին իրենց երեխաներին գրանցել առցանց, ինչպես նաև կօգնի նրանում, որ երեխան ընդունվի և սովորի այն դպրոցի հայկական բաժնում, որն ընտրել է նրա ծնողը:

Օրացույց